မြောင်းမြ NLD ပါတီအတွင်း ရင်းကြားမစေ့နိုင်သည့် ပြဿနာ ပိုမိုကြီးထွားလာ

တစ်နိုင်ငံလုံး အမျိုးသား ရင်ကြားစေ့ရေး တဖွဖွ ပြောနေသည့် ဒေါ်အောင်ဆန်းစုကြည် ဥက္ကဌလုပ်နေသော NLD ပါတီအတွင်းမှာ အချင်းချင်းရင်ကြားမစေ့နိုင်ပဲ ပြဿနာ တနေ့တခြား ကြီးထွားလာနေကြောင်း သတင်းရရှိသည်။ မြောင်းမြမြို့နယ်NLD ညီလာခံကျင်းပရေးကော်မရှင် ဖွဲ့စည်းရာတွင် ဒီမိုကရေစီနည်းလမ်း မကျသောကြောင့် NLD ပါတီဝင်များဆန္ဒဖော်ထုတ်တော့မည်ဟု သိရသည်။

မြောင်းမြမြို့နယ် NLD ညီလာခံ ကျင်းပရေးကော်မရှင်ဖွဲ့စည်းရာတွင် ဒီမိုကရေစီနည်းလမ်း မကျခြင်း ကြောင့် ပါတီဝင် (၃ဝဝ)ဝန်းကျင်ခန့် ဆန္ဒထုတ်ဖော်မည်ဟု မြောင်းမြ NLD ပါတီမှ ဦးမြင့်ကျော်က ပြောသည်။အမျိုးသားဒီမိုကရေစီအဖွဲ့ချုပ် (NLD)ဗဟိုမှ တာဝန်ပေးခဲ့သောမြောင်းမြမြို့နယ် ညီလာခံကျင်းပရေးကော်မရှင်တွင် ဒေသခံပါတီဝင်တို့ နှင့်သဘောထားမတိုက်ဆိုင်သူ များ ပါဝင်ခြင်း၊ ကော်မရှင်ရွေးချယ် မှုတွင် အများဆန္ဒမပါခြင်းတို့ကြောင့်ဆန္ဒဖော်ထုတ်ခြင်းဖြစ်ကြောင်း သိရသည်။

''တိုင်းကော်မရှင်၊ ဗဟိုကော် မရှင်က ပါတီဝင်တွေကိုအကြောင်းမကြားဘဲ ကော်မရှင်အဖွဲ့ကို ဖွဲ့ခဲ့တယ်။ ဒီကိစ္စအတွက်ရန်ကုန်က ဗဟိုအဖွဲ့ကိုတင်ပြတယ်။ စုံစမ်းစစ်ဆေးဖို့ တောင်းဆိုတယ်။ ဗဟိုကရွေးချယ်မှုကိုမပြင်နိုင်ဘူးလို့ပြောတယ်။ဒါကြောင့် အောက်ခြေမှာ ဖြစ်နေတာတွေကိုဒေါ်အောင်ဆန်း စုကြည်သိရအောင်ဆန္ဒဖော်ထုတ်ကြမှာပါ''ဟုဆန္ဒပြမှုတွင်ပါဝင်မည့်ပါတီဝင်ဦးမြင့်ကျော်ကပြောသည်။

အဆိုပါဆန္ဒဖော်ထုတ်မည့်ကိစ္စအတွက်မြောင်းမြရဲစခန်းသို့ လျှောက်ထားခဲ့ရာ ပါတီတွင်းကိစ္စဖြစ်နေခြင်း၊ ဆန္ဒပြမှုဥပဒေနှင့်အကျုံးမဝင်ခြင်းတို့ကြောင့်မိမိတို့အနေဖြင့် ခွင့်မပြုသလို တားမြစ်မည်လည်းမဟုတ်ဟုရဲအရာရှိကပြောကြားခဲ့ကြောင်း ဦးမြင့်ကျော်ကဆက်ပြောသည်။

''ရဲကခွင့်ပြုတာလည်းမရှိဘူး။ တားလည်းမတားဘူး။ဒါကြောင့်သြဂုတ်လ၁၂ ရက်နေ့၊ မွန်းတည့် ၁၂ နာရီမှာ ဆန္ဒဖော်ထုတ်မယ်။မြောင်းမြမြို့ NLD ရုံးရှေ့မှာလုပ်မှာပါ။ ဆန္ဒဖော်ထုတ်တာဟာ NLD ကိုဆန့်ကျင်တာမဟုတ်ပါ ဘူး။ မဆလခေတ်၊၁၉၈၈ ခေတ်တွေမှာ ဒီလိုရွေးချယ်မှုတွေကြောင့် ပြိုကွဲခဲ့တာမျိုး ထပ်မဖြစ်အောင်လုပ်ခြင်းဖြစ်ပါတယ်'' ဟု ပါတီဆန္ဒ ဖော်ထုတ်မှုတွင်ပါဝင်မည့်သူတစ်ဦးက ပြောသည်။

မြောင်းမြမြို့နယ်ညီလာခံကျင်းပရေကော်မရှင်ကို ဥက္ကဋ္ဌ ဦးရန်နိုင်၊ အတွင်းရေးမှူး ဦးမြင့်လွင် အပါအဝင်၂၁ ဦးဖြင့် ဇူလိုင်လ၊ ၁၆ ရက်နေ့တွင် NLD အတွင်းရေးမှူး ဦးဥာဏ်ဝင်း လက်မှတ်ဖြင့် စတင်ခန့်အပ်ခဲ့ကြောင်းသိရသည်။

'' ၂၁ ဦးပါဝင်တဲ့ကော်မရှင်အဖွဲ့ကို ဗဟိုက ဖွဲ့ပေးခဲ့တယ်။ ၂၁ ဦး မဟုတ်တဲ့ တချို့လူတွေကဗဟိုကော်မတီရဲ့သဘောထားနဲ့ ကွဲလွဲ ပြီးဆန္ဒထုတ်ဖော်ကြမှာပါ။ ဗဟိုရဲ့ ညွှန်ကြားချက်ကိုလက်မခံတဲ့ NLD ပါတီလျှောက်ထားဆဲလို့ သိရတဲ့လူတစ်စုကဆန္ဒပြမှာ ဖြစ်ပါတယ်။ NLD အမည်ခံပြီး လုပ်ကြတာပါ။ ဗဟိုကတော့ ခန့်ထားတဲ့ ၂၁ ဦးနဲ့ တွဲလုပ်နိုင်ရင်လုပ်ပါ။မတွဲနိုင်ရင်ပါတီကထွက်ပါလို့ ပြောတယ်။ ဒီလူတွေကိုပါတီဝင်မဟုတ်ဘူးလို့သတ်မှတ်ရုံပဲ ရှိပါတယ်''ဟုမြောင်းမြမြို့နယ်ညီလာခံကျင်းပရေးကော်မရှင်မှ ဥက္ကဋ္ဌ ခန့်အပ်ခြင်း ခံရသော ဦးရန်နိုင်က ပြောသည်။

အာဏာလုခြင်းများနှင့် ဗဟိုဦးစီးမှ အာဏာအလွန်အကျွံသုံးစွဲမှုများကြောင့် တစ်ယောက်ပြီး တစ်ယောက် NLD ပါတီမှ နှုတ်ထွက်လျှက် ရှိပြီး ပါတီဝင်ဟောင်းများ၏ လမ်းခွဲရှင်းတမ်းများကို

http://www.myanmarexpress.net/search/label/%E1%80%92%E1%80%AE%E1%80%81%E1%80%BA%E1%80%B3%E1%80%95%E1%80%B9%E1%80%94%E1%80%B2%E1%82%95%20%E1%80%9C%E1%80%99%E1%80%B9%E1%80%B8%E1%80%81%E1%80%BC%E1%80%B2%E1%80%9B%E1%80%BD%E1%80%84%E1%80%B9%E1%80%B8%E1%80%90%E1%80%99%E1%80%B9%E1%80%B8

တွင် ဖတ်ရှုနိုင်သည်။

Myanmar Express

Posted in: ဒုတိယ ပင်လုံနှင့် ရှေ့တိုးမရ နောက်ဆုတ်မရ အရှက်လှလှနဲ့ ဒေါ်စု,သတင်း