ကျီးလန့်စာစားဖြစ်နေသည့် မန္တလေးမြို့ ပုဒ်မ ၁၄၄ ထုတ်ပြန်မှုအား အရပ်ဘက်အဖွဲ့အစည်းများနှင့် မြို့ခံများကြိုဆို

From : .. Mandalay Citizen Journalism 

၂ ညတာ အဓိကရုဏ်းဖြစ်ပွားခဲ့ပြီးနောက် ၂ ဦးသေဆုံးက အများအပြားဒဏ်ရာရခဲ့သည့် မန္တလေးမြို့ အဓိကရုဏ်း ကြောင့် မြို့သူမြို့သားများ ကျီးလန့်စာစား ဖြစ်နေချိန်တွင် ပုဒ်မ (၁၄၄) အလျှင်အမြန် ထုတ်ပြန်အပေါ်တွင် အရပ်ဘက်အဖွဲ့အစည်းများနှင့် မြို့ခံများက ကြိုဆိုလိုက်ကြောင်း သတင်းရရှိသည်။ မန္တလေးမြို့တော် စည်ပင်သာယာရေးနယ် နိမ်တ်အတွင်းရှိ မြို့နယ် (၆)  မြို့နယ်တွင် ည ၉ နာရီမှ နံနက် ၅ နာရီအတွင်း ညမထွက်ရန်၊ ၅ ဦးထက်ပို၍ စုဝေးခြင်းမပြုရန်၊ ဒုတ်ဓားလက်နက်များ ကိုင်ဆောင်ခြင်း မပြုရန် အမိန့် ပုဒ်မ-၁၄၄ ကို မန္တလေးခရိုင်အထွေထွေ အုပ်ချုပ်ရေးဦးစီးဌာနမှ ဇူလိုင် ၃ ရက် (ယနေ့)ညနေပိုင်းက ထုတ်ပြန်လိုက်သည်။ 

ပုဒ်မ ၁၄၄ အလျှင်အမြန်ထုတ်ပြန်ခဲ့ခြင်းနှင့် ပတ်သက်၍ ကြိုဆိုသည့်အကြောင်း မြန်မာ့ငြိမ်း ချမ်းရေးကွန်ယက် (အထက်ဗမာပြည်) မှ ကိုဇော်ဇော်ဦးမှ အခုလိုပြောသည်။ “အခုလို အမြန် တားဆီးလိုက်တာ ကောင်းတယ်..  မနေ့ညကကိစ္စအတွက် ဒီနေ့ည လက်တုန့်ပြန်ကြမှာပဲလေ.. အပြန်အလှန် တုန့်ပြန်ရင်းနဲ့ ပြီးမှာမဟုတ်တော့ဘူး..” ဟု ဆိုသည်။ ဒါ့အပြင် အဓိကရုဏ်းဖြစ်ပွားနေစဉ်အတွင်း ရဲတပ်ဖွဲ့များက ရပ်ကြည့်နေမှု အပေါ်တွင်လည်း အားရမှုမရှိကြောင်းကို “ ၁ ရက်နေ့ညက ၂၇ လမ်းမှာ ကားနဲ့ ဆိုင်ကယ် ၁၂ စီးလောက်ဖျက်ဆီးခံရတယ်.. ရဲတွေက မတားရဲကြဘူး.. ရဲကိုမကြောက်ကြတာလည်းပါတယ်.. မိတ္ထီလာမှာတုန်းကတော့ ၁၄၄ ထုတ်ထားလည်း ဂရုမစိုက်ကြဘူး.. နောက်ဆုံး စစ်တပ်ဝင်လိုက်ရတယ်… မန္တလေးအခြေ အနေကိုတော့ စောင့်ကြည့်ရမှာပဲ..” ဟု ကိုဇော်ဇော်ဦးမှ ဆက်ပြောသည်။

မြို့ခံ အမျိုးသမီး တစ်ဦးမှလည်း အဓိကရုဏ်းကြောင့် အလွန်စိုးရိမ်ကြောက်လန့်ခဲ့ကြောင်း၊ ကလေးများကို ကျောင်းမပို့သေးပဲ မနက်ဖြန် တစ်ရက်စောင့်ကြည့်မည်ဖြစ်ကြောင်း ဆိုသည်။
မန္တလေးခရိုင် မြို့နယ် ၆ မြို့နယ်တွင် ရဲတပ်ဖွဲ့များ အင်အားတိုးမြှင့်ထားပြီး လိုအပ်ပါက အလယ်ပိုင်းတိုင်း စစ်ဌာနချုပ် နှင့် တပ်မ ၉၉ တို့၏ အကူအညီကိုလည်း ရယူမည်ဖြစ်ကြောင်း သတင်းရရှိသည်။
 
.. www.MyanmarExpress.net
 

Posted in: မြန်မာ-ကုလား အဓိကရုဏ်းများ