"မီး" သတိပြု

From : MRTV-4

မီးလောင်မှုဟာ သဘာဝအလျောက် လောင်ကျွမ်းမှုကြောင့် ဖြစ်ပွားတာနည်းပါးပြီး လူတွေရဲ့ ပေါ့ဆမှု၊ သတိပြုဆင်ခြင်မှုနည်းပါးမှု၊ မီးဘေးကြိုတင်ကာကွယ်မှု နည်းပါးခြင်းတွေကြောင့် မီးလောင်မှုတွေ အများဆုံး ဖြစ်ပွားရတာ ဖြစ်ပါတယ်။

မီးလောင်မှုဟာ ဆင်းရဲ၊ ချမ်းသာ၊ မြို့ပြ၊ ကျေးရွာ ခွဲခြားဘဲ လောင်ကျွမ်းဝါးမြိုတတ်ပါတယ်။ အနီးစပ်ဆုံးအနေနဲ့ ပြီးခဲ့တဲ့ ၂၀၁၁ ခုနှစ် ဒီဇင်ဘာလ ၂၉ ရက်နေ့က မင်္ဂလာတောင်ညွှန့် ကူးတို့ဆိပ်ကျေးရွာမှာ လောင်ကျွမ်းခဲ့တဲ့ မီးလောင်မှုဟာမီးငြိမ်းသတ်တဲ့ မီးသတ် သမားတိုင်းအတွက် ကြီးမားတဲ့ စိန်ခေါ်မှုကြီး ဖြစ်ခဲ့သလို ပြည်သူတွေအတွက်လည်း ထိတ်လန့်စရာ အတိတ်ဆိုးကြီးတစ်ခု ဖြစ်ခဲ့ရပါတယ်။ ၂၀၁၂ ခုနှစ် နှစ်ဦးရဲ့ ပထမလဖြစ်တဲ့ ဇန်န၀ါရီလမှာလည်း မြန်မာနိုင်ငံရဲ့ ပြည်နယ်နဲ့ တိုင်းဒေသကြီး အသီးသီးမှာ မီးလောင်မှု အကြိမ်ရေ ၁၂၃ ကြိမ် ဖြစ်ပွားခဲ့ပြီး ဆုံးရှုံးမှုတန်ဖိုး သိန်း ၇၃၀ ကျော် ရှိခဲ့တယ်လို့ မီးသတ် ဦးစီးဌာန ထုတ်ပြန်တဲ့ သတင်းအချက်အလက်တွေအရ သိရပါတယ်။ ဒါ့အပြင် ၂၀၁၂ ခုနှစ် ဒုတိယလဖြစ်တဲ့ ဖေဖော်ဝါရီလမှာလည်း မီးလောင်မှုဟာ ဆက်တိုက် ဆိုသလို ဖြစ်ပွားခဲ့ပါတယ်။ ဖေဖော်ဝါရီလ ၆ ရက်နေ့က လောင်ကျွမ်းခဲ့တဲ့ လှိုင်သာယာမြို့နယ်၊ ရွှေလင်ဗန်းကွက်သစ်၊ အလယ်ကြီးကျေးရွာက မီးလောင်မှု၊ ဖေဖော်ဝါရီလ ၁၁ ရက်နေ့က သံတွဲမြို့ရှိ ဒွါရ၀တီမြို့မဈေး လောင်ကျွမ်းမှု၊ နေပြည်တော် ဇမ်္ဗူသီရိမြို့က ဓာတ်ဆီဆိုင်အမှတ် ၀၃၅၄ မှာ မီးလောင်မှု၊ ကြည့်မြင်တိုင်မြို့နယ် ရုံးကြီးလမ်းက မီးလောင်မှု၊ ဖေဖော်ဝါရီလ ၁၄ ရက်နေ့က တာမွေမြို့နယ် တာမွေကြီး (ခ) ရပ်ကွက်ရှိ မီးလောင်မှုနဲ့ ဖေဖော်ဝါရီလ ၁၈ ရက်နေ့က ပန်းဘဲတန်းမြို့နယ် ၃၂ လမ်း အထက်ဘလောက်က မီးလောင်မှုတွေ အစရှိတဲ့ မီးလောင်မှုတွေဖြစ်ပွားခဲ့တာ ဖြစ်ပါတယ်။ ဖြစ်ပွားခဲ့တဲ့ မီးလောင်မှု အများစုမှာ လူတွေရဲ့ပေါ့ဆမှုကြောင်နဲ့ သတိပြုဆင်ခြင်မှု အားနည်းခြင်းတွေကြောင့် ဖြစ်တယ်လို့ မီးသတ်ဦးစီးက တာဝန်ရှိသူတွေရဲ့ ပြောကြာချက်အရ သိရပါတယ်။ မီးလောင်မှုတွေဟာ လူနေထိုင်ရာအိမ်ယာ၊ အဆောက်အအုံ၊ ရုံးဌာနတွေအပြင် စက်သုံးဆီအရောင်းဆိုင်တွေ၊ မော်တော်ယာဉ်တွေမှာလည်း မီးလောင်မှုတွေဖြစ်ပွားခဲ့ပါတယ်။ ၂၀၁၂ ဇန်န၀ါရီ ၃၁ ရက်နေ့က တောင်ငူမြို့ရှိ ““အိုကေ”” စက်သုံးဆီ အရောင်းဆိုင်နဲ့ ဖေဖော်ဝါရီလ ၁၁ ရက်နေ့က နေပြည်တော်ရှိ ဇမ်္ဗူသီရိမြို့ရှိ ဓာတ်ဆီဆိုင်အမှတ် ၀၃၅၄ တို့မှာလည်း မီးလောင်မှုတွေဖြစ်ပွားခဲ့ပါတယ်။ စက်သုံးဆီ မီးလောင်မှုဖြစ်ပွားတဲ့အခါ အန္တရာယ်လည်း ကြီးမားသလို ဆုံးရှုံးမှုတန်ဖိုးလည်း များပြားလှပါတယ်။

ဒါ့ကြောင့် ပူပြင်းတဲ့ နွေရာသီရဲ့နေ့လယ်အချိန်တွေမှာ ဓာတ်ဆီဖြည့်ခြင်း၊ ဓာတ်ဆီလဲလှယ်ခြင်းတွေပြုလုပ်တဲ့အခါ ပွတ်မှု (Friction) မှ သဘာဝတည်ငြိမ်လျှပ်စစ် (Static Electricity) တို့ ဖြစ်ပေါ်တတ်ပြီး မီးလောင်တတ်တာကြောင့် ရာသီဥတုပူပြင်းချိန်မှာ ဓာတ်ဆီဖြည့်ခြင်း၊ လဲလှယ်ခြင်းများကို သတိပြုရှောင်ကြဉ်ရမှာဖြစ်ကြောင်းသိရပါတယ်။ မော်တော်ယာဉ်ပိုင်ရှင်တွေ၊ မောင်းနှင် သူတွေအနေနဲ့ကလဲ မော်တော်ယာဉ်ဝါယာ ရှော့ခ်ဖြစ်ခြင်း ကာပရိုက်တာ ဆီလျှံခြင်း၊ စက်နိုးထားစဉ် ဆီထည့်ခြင်းတွေကြောင့် မီးတောင်မှုဖြစ်ပွားနိုင်ကြောင်း သိရပါတယ်။ ဒီလိုမီးလောင်မှုတွေဖြစ်ပွားပါက အလျှင်မြန်ဆုံးနဲ့ ကိုယ်တိုင်အလွယ်ကူဆုံး ငြိမ်းသတ်နိုင်တာကတော့ (Dry Unemical Pouder) ဓာတုဗေဒပေါင်ဒါမှုန့်ခြောက် မီးသတ်ဆေးဘူးနဲ့ ငြိမ်းသတ်တာပဲ ဖြစ်ပါတယ်။

ဒါ့အပြင်မြို့ရွာ ရပ်ကွက်အလိုက် ရုံးဌာနအလိုက် အရေးပေါ် မီးငြိမ်းသတ်ရေးအဖွဲ့များဖွဲ့ထားခြင်း၊ ရေလှောင်ကန်များ ထားရှိခြင်း၊ မီးငြိမ်းသတ်ရေး ဇာတ်တိုက်လေ့ကျင့်ခြင်းများကို ဆောင်ရွက်သင့်ကြောင်း မီးသတ်ဦးစီးဌာနက အကြံပြုထားပါတယ်။

မီးလောင်မှုဖြစ်ပွားရာနေရာကို မီးသတ်တပ်ဖွဲ့ဝင်တွေအနေနဲ့ အမြန်ဆုံးသွားရောက်ပြီး ငြိမ်းသတ်နိုင်ဖို့အတွက် အရေးပေါ်မီးသတ်ကားသွားရာ လမ်းကြောင်းများကို အခြားသော မော်တော်ယာဉ်တွေအနေနဲ့ ယာဉ်လမ်းကြော ရှောင်ရှားပေးသင့်သလို ခရီးသည်တင် မော်တော်ယာဉ်တွေအနေနဲ့ ယှဉ်ပြိုင်မောင်းခြင်းများလည်း မပြုလုပ်သင့်ကြောင်း သိရပါတယ်။ မီးကြောင့် ဆုံးရှုံးမှုတန်ဖိုးလျော့နည်း ကျဆင်းစေဖို့အတွက် မီးသတ်ဦးစီးဌာနအနေနဲ့ အရှိန်အဟုန်မြင့် ဆောင်ရွက်နေသလို အရေးပေါ်ဖုန်းနံပါတ် ၁၉၁ ကို အချိန်နဲ့တပြေးညီ ဆက်သွယ်အကူအညီတောင်းခံနိုင်ကြောင်း သိရပါတယ်။ မီးလောင်မှု လျော့နည်းကျဆင်စေဖို့အတွက်လည်း ပြည်သူ တွေ အနေနဲ့ မီးသတိပြုရေး လိုက်နာဆောင်ရွက်ပြီး ဆင်ခြင်သတိမူသင့်ကြောင်း သိရပါတယ်။

Myanmar Express

Posted in: သတင်း