ဂျာမနီကား မြန်မာနိုင်ငံတွင် ထုတ်မည်

From : သတင်း

ဂျာမနီကုမ္ပဏီအနေဖြင့် မြန်မာနိုင်ငံတွင် မော်တော်ကား တပ်ဆင်ထုတ်လုပ်ခြင်း လုပ်ငန်းများကို လာရောက် လုပ်ကိုင်တော့မည် ဖြစ်ကြောင်း သိရသည်။ ထိုမော်တော်ကား တပ်ဆင် ထုတ်လုပ်ခြင်းလုပ်ငန်း ဂျာမနီနိုင်ငံ Euracom ကုမ္ပဏီနှင့် ပြည်တွင်း ကားကုမ္ပဏီဖြစ်သည့် SSS ကားကုမ္ပဏီတို့ ပူးပေါင်းပြုလုပ်သွားမည်ဖြစ်ကြောင်း သိရသည်။ “ကားတွေကို အထည်ချုပ် လုပ်ငန်းတွေသုံးတဲ့ CMP လုပ်ငန်းပုံစံနဲ့ လုပ်ကိုင်ဖို့ ဂျာမနီက Euracom ကုမ္ပဏီနဲ့ ချိတ်ထားတယ်။ မကြာမီမှာ သူတို့လာတော့မှာပါ။ ဥပမာ- ကျွန်တော်တို့ဒီမှာရှိတဲ့ ပိတောက်၊ ကျွန်းအစရှိတဲ့ သစ်တွေကို အသုံးပြုပြီး ကားအတွင်းခန်း အလှအပစ္စည်းတွေ ဖြည့်စွက်ပြီး လုပ်ငန်းသုံး မော်တော်ယာဉ် အမျိုးမျိုးသို့ ပြုပြင်ပြောင်းလဲနိုင်ပါတယ်။ လုပ်ငန်းများကိုလဲ နည်းပညာ အကူအညီနဲ့ ထုတ်လုပ်နိုင်ပါတယ်” ဟု SSS ကားထုတ်လုပ်ရေးမှ တာဝန်ရှိသူတစ်ဦးက ပြောသည်။ အဆိုပါ ဂျာမနီကုမ္ပဏီအနေဖြင့် မတ်လအတွင်း လာရောက်လုပ်ကိုင်ဖွယ်ရှိကြောင်း၊ နည်းပညာ ကျွမ်းကျင်မှုနှင့် နိုင်ငံတကာ အတွေ့အကြုံများရှိသည့် ပြည်တွင်းလုပ်ငန်းရှင်များအား ဖိတ်ခေါ်ထားကြောင်း သိရသည်။ “အဲဒီကုမ္ပဏီက ဂျာမန်လူမျိုး Mr.Serge Bershire နဲ့ ကျွန်တော်တို့ တွေ့ပြီးသွားပြီ။ ဒီမတ်လလောက်ထဲမှာ သူလာမှာပါ။ သူတို့ကလဲ သဘောကျတယ်။ CMP စနစ်ဆိုတဲ့ ပုံစံကတော့ ဖြတ်တောက်ပုံစံတွေ သူတို့ယူလာမယ်။ နောက်ထုတ်လုပ်မယ်။ ပြီးရင် ထုပ်ပိုးပြီးတော့ ပြန်တင်ပို့ပေးမယ်။ ဒါမျိုးက အထည်ချုပ်လုပ်ငန်းတွေ သုံးတဲ့ပုံစံပါ။ ဒါကို မော်တော်ယာဉ် ထုတ်တဲ့ပုံစံနဲ့ ကျွန်တော်တို့ ပေါင်းစပ် လုပ်သွားမှာပါ” ဟု ယင်းက ထပ်မံရှင်းပြသည်။ ၎င်း CMP စနစ်ဖြင့် ကျင့်သုံးနိုင်ရန်အတွက် မတ် ၁၁ ရက်တွင် မြန်မာနိုင်ငံ အင်ဂျင်နီယာအသင်းမှ မော်တော်ယာဉ် ထုတ်လုပ်မှု ဆိုင်ရာ စာတမ်းဖတ်ပွဲကို ကျင်းပခဲ့ကြောင်း ၂၀၁၂ ခုနှစ် မတ်လ ၂၀ ရက်နေ့ထုတ် Flower News ဂျာနယ်တွင် ဖော်ပြထားပါသည်။

Myanmar Express

Posted in: သတင်း