NLD ပါတီ၏ အမှားတော်ပုံများ(၁၃)

From : ရဲထွန်းမှတ်တမ်း

နိုင်ငံတော် အစိုးရသည် NLD ၏ ဥပဒေကို ချိုးဖောက်နေသည့် ထိပ်တိုက် ရင်ဆိုင်ဆန့်ကျင်ရေး လုပ်ရပ်များကြောင့် NLD ပါတီကို အရေးယူ ဖျက်သိမ်းမှု ပြုလုပ်နိုင်သည့် အထိ သက်သေ အထောက်အထားများ အခိုင်အလုံ ရရှိခဲ့ပေသည်။ သို့ရာတွင် ပါတီစုံ ဒီမိုကရေစီ ထူထောင်ရေး အတွက် ရှိသင့်ရှိထိုက်သည့် နိုင်ငံရေးသမား မျိုးဆက် ပြတ်မသွား စေရေးအတွက် အဘက်ဘက်မှ သည်းခံ စောင့်ထိန်း ဆောင်ရွက်ခဲ့သည်။

နိုင်ငံတော် ငြိမ်ဝပ်ပိပြားမှု တည်ဆောက်ရေးအဖွဲ့က NLD အား လျှို့ဝှက် အဆင့်အတန်းရှိသည့် “အမျိုးသားရေးရာ ဖြစ်ပေါ် တိုးတက်မှု အစဉ် ထိန်းကျောင်း ဖေါ်ဆောင်ရေးနှင့် ပတ်သက်၍ နိုင်ငံတော် ငြိမ်ဝပ်ပိပြားမှု တည်ဆောက်ရေး အဖွဲ့၏ သဘောထား “ ဆိုသည့် စာတမ်းတစ်စောင်ကို ပေးပို့ခဲ့သည်။ ယင်းလုပ်ဆောင်ချက်သည် နိုင်ငံတော်အစိုးရနှင့် NLD တို့အကြား ပြေလည်ရာ ပြေလည်ကြောင်း ဖြစ်အောင် ဖန်တီး လမ်းခင်း ပေးခဲ့ခြင်း ဖြစ်သည်။

သို့ရာတွင် NLD က တစ်လွဲ ဆံပင်ကောင်းပြီး ထိုစာတမ်းကို နိုင်ငံခြားသံရုံးများ နှင့် အခြား မသက်ဆိုင်သူများထံ ရောက်အောင် မိတ္တူကူးပြီး ဖြန့်ဝေခဲ့သည်။ ယင်းသို့ လျှို့ဝှက်ချက်ကို မထိမ်းသိမ်းဘဲ နှစ်ဦးနှစ်ဘက် ယုံကြည်မှု ပျက်ပြားအောင် လုပ်ဆောင်ခဲ့သည့် အတွက် NLD ဗဟိုဦးစီးအဖွဲ့ ၀င် ဦးကြည်မောင်နှင့် ဦးချစ်ခိုင်တို့သည် မြန်မာနိုင်ငံအစိုးရ လျှို့ဝှက်ချက်အက် ဥပဒေအရ အရေးယူ ခံခဲ့ကြ ရသည်။

ထို့ကြောင့် NLD သည် ဗဟိုအလုပ်မှုဆောင် အဖွဲ့ ပြန်ဖွဲ့ပြီး ဗဟိုဦးစီး အဖွဲ့ အစည်းအဝေး (၅/၉၀) ခေါ်ယူ ကျင်းပခဲ့သည်။ အစည်းအဝေး ဆုံးဖြတ်ချက်အဖြစ် ဒီမိုကရေစီ ပြည်ထောင်စုသစ် အတွက် ဖွဲ့စည်းပုံ အခြေခံဥပဒေသစ် ရေးဆွဲရန် NLD က ကမကထ ပြုပြီး ပြင်ဆင်မှုများ စလုပ်သွားမည်ဖြစ်ကြောင်း NLD ၏အစီအစဉ်များ အစိုးရထံ ပေးပို့ခဲ့သည်။ တွေ့ဆုံညှိုနှိုင်းရန် အဆိုပြုမည်ဟုလည်း ဆုံးဖြတ်ချက် ချမှတ်ခဲ့သည်။

ယင်းကဲ့သို့ အခြေအနေ ကောင်းများ ဖြစ်ပေါ်ရန် အပြန်အလှန် ချဉ်းကပ်မှုများ ရှိခဲ့သော်လည်း NLD အတွင်း၌ ဆရာမနိုင် နှစ်ဆောင်ပြိုင် ကဲ့သို့ ဖြစ်ခဲ့သည်။ ဒေါ်စုကြည်၏ နောက်လိုက်ုများက ထိပ်တိုက် လုပ်လိုကြသည်။ NLD ဗဟို၌ နေရာ ရနေသော မျိုးချစ်ရဲဘော်ဟောင်း များက နည်းလမ်းသစ် များဖြင့် ချဉ်းကပ်လိုကြသည်။ NLD ၏ အစည်းအဝေး (၅/၉၀) ဆုံးဖြတ်ချက်ကို ဒေါ်စုကြည်၏ အဖွဲ့၊ ဒေါ်စုကြည် ကို လိုလားသည့် ပါတီဝင်များက လက်မခံခဲ့ကြပေ။ ယင်းဆုံးဖြတ်ချက်သည် န၀တ၏ (၁/၉၀) အောက်ကို ခေါင်းငုံ့ လျှိုဝင်ခြင်း ဖြစ်သည်ဆိုပြီး ကန့်ကွက်ခဲ့ ကြသည်။ သီးခြား လှုပ်ရှားပြီး ထိပ်တိုက်ရင်ဆိုင်မှုကို ပြင်းထန်အောင် လုပ်ဆောင်သူများ ရှိခဲ့သည်။

ဗကပယူဂျီများ၊ သံရုံးအချို့မှ သံတမန်များနှင့် လက်ခါးချင်းရိုက် လုပ်ဆောင်ခဲ့ကြသည်။ စင်ပြိုင်အစိုးရဖွဲ့ရန် ရန်ကုန်တွင် ညှိုနှိုင်းခြင်း၊ မန္တလေးသို့ သွားရောက် တိုင်ပင်ခြင်းများ လုပ်ခဲ့သည်။ မန္တလေးတွင် ဆူပူမှုများဖြစ်ပွားစေရန် NLD အချို့က ၀တပ်များ၊ သံရုံးမှ လူများနှင့် ပူးပေါင်း လှုပ်ရှားခဲ့ကြသည်။ စင်ပြိုင် အစိုးရဖွဲ့ရန် အားထုတ်ခြင်း သည် နိုင်ငံတော်ကို သစ္စာ ဖောက်ဖျက် ပုန်ကန် ကျုးလွန်ခြင်းပင် ဖြစ်ပေ သည်။

Myanmar Express

Posted in: NLD ပါတီ၏ အမှားတော်ပုံများ,သတင်း,အသုံးမကျတဲ့ ဒေါ်စု နဲ့ NLD