Google အနေဖြင့် မေးခွန်း များကို ဖြေ ဆိုတော့ မည်

From :MRTV4

The Wall Street Journal ၏ ဖော်ပြချက် အရ အင်တာနက် ရှာဖွေရေး ကုမ္ပဏီကြီး တစ်ခုဖြစ်သည့် Google မှာ များမကြာမီ ကာလ အတွင်းတွင်
သိသာသည့် ပြောင်းလဲမှု တစ်ခုအဖြစ် မေးခွန်းမေး မြန်းသူတို့အား တိုက်ရိုက် ဖြေဆိုမည့် အစီအစဉ် တစ်ခုကို စတင်တော့မည် ဖြစ်ကြောင်း သိရသည်။ ယခုလို ဖြေကြားရာ တွင် မေးမြန်းလိုက်သည့် အကြောင်းအရာနှင့် ဆက်စပ်သည့် link များကို ရှာဖွေပေးရုံ သာမက မေးခွန်းများကိုလည်း တိုက်ရိုက် ဖြေကြားတော့မည် ဖြစ်သည်။

ယခင်က Google မှ ဖြေကြားသည့် ပုံစံမှာ အဓိက စကားလုံးကို ရိုက်ထည့် လိုက်ပါက ဖြစ်နိုင်ဖွယ် ရှိသည့် အဖြေများကို ပေးခြင်းဖြစ်ပြီး ယခုတွင်မူ လူတစ်ဦးမှ ဖြေကြား သကဲ့သို့ ဖြေကြားမည့် ပုံစံဖြင့် လုပ်ဆောင်ပေးတော့မည် ဖြစ်သည်။ ဥပမာ အနေဖြင့် ကယ်လီဖိုးနီးယား ပြည်နယ်ရှိ အကြီးဆုံး ရေကန် ၁၀ ခုကို ဖော်ပြပါဆိုပါက ယင်းအဖြေကို  link များ ပေးသည့် ပုံစံဖြင့် မဟုတ်ဘဲ တိုက်ရိုက် ဖြေကြားသည့် ပုံဖြင့် လုပ်ဆောင် သွားတော့မည် ဖြစ်သည်။ ယခုလို လုပ်ဆောင် ရခြင်းမှာ Microsoft ကုမ္ပဏီမှ Bing နှင့် Apple ၏ အသံဖြင့် စေခိုင်းနိုင်သည့် Siri  တို့ထက် ပိုပြီး ခေတ်ရှေ့ ပြေးနိုင်ရန် ကြိုးစားချက် တစ်ခုလည်း ဖြစ်သည်။

 Myanmar Express

Posted in: သတင်း