ပြည်ထောင်စုဝန်ကြီး ဦးကျော်ဆန်းနှင့် အယ်လ်ဂျာဇီးရားသတင်းဌာနတို့ တွေ့ဆုံခြင်း

ပြည်ထောင်စုဝန်ကြီး ဦးကျော်ဆန်းနှင့် အယ်လ်ဂျာဇီးရားသတင်းဌာနတို့
တွေ့ဆုံခြင်း

မေး- မြန်မာနိုင်ငံတွင် လတ်တလောပြုလုပ်နေသည့် ပြုပြင်ပြောင်းလဲမှုများသည် နောက်ကြောင်း ပြန်လှည့် မသွားနိုင်သည့် ပြောင်းလဲမှုများဖြစ်သည်ဟု မှတ်ယူရပါသည်။ မည်သည့်အတွက်ကြောင့် နောက်ကြောင်းပြန် လှည့်မသွားနိုင်ပါသနည်း။

ဖြေ- မိမိတို့အစိုးရဟာ ပြည်သူတွေက ရွေးချယ်တင်မြှောက်ထားတဲ့အစိုးရဖြစ်ပါတယ်။ ဒါကြောင့် ပြည်သူတွေရဲ့ ဆန္ဒ၊ လိုလားချက်တွေကို အကောင်အထည်ဖော်ပေးဖို့ မိမိတို့အစိုးရမှာတာဝန်ရှိတယ်။ ဒီလိုတာဝန်ရှိတာနဲ့အညီ ပြည်သူတွေရဲ့ လိုလားချက်ဆန္ဒတွေဖြစ်တဲ့ တိုင်းပြည်တည်ငြိမ်အေးချမ်းရေး၊ ဒီမိုကရေစီဖော်ဆောင်ရေး၊ လူ့အခွင့် အရေး၊ တိုင်းပြည်နဲ့ ပြည်သူအများစုရဲ့ လူမှုစီးပွားဘ၀ ဖွံ့ဖြိုးတိုးတက်ရေးတို့ကို ကနေ့ ပြုပြင်ပြောင်းလဲဆောင်ရွက် ပေးနေတာဖြစ်တယ်။ ဒါကြောင့် နောက်ကြောင်းပြန်လှည့်ဖို့မရှိဘူး။

ထို့အတူ ဒီလိုပြုပြင်ပြောင်းလဲမှုတွေကို ပြည်သူအများကလည်း အားပေးထောက်ခံလျက်ရှိတယ်။ ပြုပြင် ပြောင်းလဲမှုတွေကို တစ်ဆင့်ပြီးတစ်ဆင့် တည်တည်ငြိမ်ငြိမ်နဲ့ ဆက်လက်ဖော်ဆောင်ပေးရန်လည်း ပြည်သူအများ က လိုလားလျက်ရှိကြတယ်။ ဒါကြောင့် ဆက်လက်ပြုပြင်ပြောင်းလဲဆောင်ရွက်ဖို့သာရှိပြီး နောက်ပြန်လှည့်ဖို့ မရှိတာဖြစ်တယ်။

ဒါ့အပြင် ကျွန်တော်တို့နိုင်ငံမှာ ပြည်သူ အများစုက ဖွဲ့စည်းပုံအခြေခံဥပဒေကို အတည်ပြုပြ ဋ္ဌာန်းထားပြီးဖြစ်တယ်။ အဲဒီဖွဲ့စည်းပုံအခြေခံဥပဒေမှာ အခုဆောင်ရွက်နေတဲ့ ပြုပြင်ပြောင်းလဲမှု လုပ်ငန်း တွေကို ဖော်ဆောင်ပေးဖို့ ပြဋ္ဌာန်းထားပြီးဖြစ်တယ်။ ဒါကြောင့် ဆက်လက်ဆောင်ရွက်ရန်သာရှိပြီး နောက် ပြန်လှည့်ဖို့မရှိတာ ဖြစ်တယ်။

ဒါ့အပြင် အခုဆောင်ရွက်နေတဲ့ ပြုပြင် ပြောင်းလဲရေး လုပ်ငန်းစဉ်တွေဟာ ကျွန်တော်တို့ပါတီ ရဲ့ မူလကတည်းက ချမှတ်ထားတဲ့ ရည်မှန်းချက်တွေ ဖြစ်တယ်။ ဒါကြောင့် ဆက်ဆောင်ရွက်ဖို့ပဲရှိပြီး နောက် ပြန်လှည့်ဖို့မရှိဘူး။

ဒါ့အပြင် ဒီကနေ့ ကျွန်တော်အစိုးရက ဆောင်ရွက်နေတဲ့ ပြုပြင်ပြောင်းလဲမှုတွေဖြစ်တဲ့ ဥပဒေ သစ်များပြဋ္ဌာန်းခြင်း၊ ဥပဒေအချို့ကို ပြင်ဆင်ဖြည့် စွက်ခြင်းတို့ကို နိုင်ငံတော်အစိုးရက စီစဉ်ဆောင်ရွက် ပြီးမှ လွှတ်တော်နှစ်ရပ်ကို တင်ပြတာဖြစ်တယ်။ လွှတ် တော်နှစ်ရပ်ကလဲ အသေးစိတ်ညှိနှိုင်း ဆွေးနွေးပြီး တော့မှ အတည်ပြုတာဖြစ်တယ်။ ဒီပြုပြင်ပြောင်းလဲ မှုတွေကို လူပုဂ္ဂိုလ်တစ်ဦးတစ်ယောက် အဖွဲ့အစည်း တစ်ခုက သာမန်လုပ်နေတာမဟုတ်ဘူး။ အခြေခံ ဥပဒေနဲ့အညီ စနစ်တကျ စီစဉ်ဆောင်ရွက်နေတှဲု့ညျအငအကအငသညေူ ဃ့ညေါနျ များဖြစ်ပါတယ်။ ဒါကြောင့် နောက်ပြန်လှည့်ရန်မရှိကြောင်း ပြောကြားလိုပါတယ်။

သို့သော်လည်း မိမိတို့ရဲ့ ပြုပြင်ပြောင်းလဲ ရေးလုပ်ငန်းစဉ်များမှာ အခက်အခဲများနဲ့ စိန်ခေါ်မှုများ တော့ ရှိပါတယ်။ ဒါပေမဲ့ ဒီအခက်အခဲနဲ့ စိန်ခေါ်မှုများ ကို ကြိုးပမ်းဖြေရှင်းဆောင်ရွက်သွားမှာ ဖြစ်ပါတယ်။ သို့သော်လဲ ဒီလို အတိမ်းအစောင်းမခံတဲ့ အခြေအနေ မျိုးမှာ နိုင်ငံတကာအသိုင်းအ၀ိုင်းက ဖရိုဖရဲဖြစ်အောင် တွန်းမပို့ဘဲ ပူးပေါင်းကူညီဆောင်ရွက်ဖို့ အထူးအရေး ကြီးကြောင်း ပြောကြားလိုပါတယ်။


မေး- ဆင်းရဲနွမ်းပါးမှုလျှော့ချရေးအတွက် မည်သည့် ရေရှည်စီမံကိန်းရှိပါသလဲ။ မြန်မာနိုင်ငံအနေဖြင့် ကမ္ဘာ့ ဘဏ်နှင့်အာရှဖွံ့ဖြိုးရေးဘဏ်ကဲ့သို့သော အပြည်ပြည် ဆိုင်ရာ ငွေကြေးအဖွဲ့အစည်းများထံမှ အကူအညီများ လိုအပ်ပါသလား။

ဖြေ- ကျေးလက်ဒေသဖွံ့ဖြိုးတိုးတက်ရေးနဲ့ ဆင်းရဲမှု လျှော့ချရေးလုပ်ငန်းစီမံချက်(၂၀၁၁-၂၀၁၅)ကို ရေး ဆွဲထားပြီးဖြစ်ပါတယ်။ အဲဒီစီမံချက်မှာ ရည်မှန်းချက် အဖြစ် လက်ရှိမိမိတို့နိုင်ငံရဲ့ ဆင်းရဲနွမ်းပါးမှု ၂၆ ရာ ခိုင်နှုန်းမှ ၂၀၁၅ခုတွင် ၁၆ရာခိုင်နှုန်းသို့ လျှော့ချနိုင် ရန်နဲ့ ကျေးလက်ပြည်သူများရဲ့ လူမှုစီးပွားဘ၀ ဖွံ့ဖြိုး တိုးတက်လာဖို့ ရည်မှန်းထားပါတယ်။

လုပ်ငန်းစဉ် (၈)ရပ်ချမှတ်ထားပြီး ပြည် ထောင်စုအဆင့်၊ တိုင်းဒေသကြီးနဲ့ ပြည်နယ်အဆင့်၊ ခရိုင်နဲ့မြို့နယ်အဆင့် ကော်မတီများ ဖွဲ့စည်းကာအ ကောင်အထည်ဖော်ဆောင်ရွက်လျက်ရှိပါတယ်။
ပြည်သူအများစုရဲ့ အသက်မွေးဝမ်းကျောင်း က စိုက်ပျိုးရေးကဏ္ဍဖြစ်တဲ့အတွက် စိုက်ပျိုးရေးကို အဓိကထား ဆက်လက်တိုးတက်အောင် ဆောင်ရွက် ဖို့ဖြစ်ပါတယ်။

သို့သော်လဲ တိုင်းပြည်ဖွံ့ဖြိုးတိုးတက်ဖို့အ တွက် စက်မှုနိုင်ငံထူထောင်ရေးကိုလဲ ဦးတည်မှာ ဖြစ် ပါတယ်။ စိုက်ပျိုးရေးထုတ်ကုန်ကို အခြေခံတဲ့ တန်ဖိုး မြှင့် ကုန်ထုတ်လုပ်ငန်းဖြစ်တဲ့ အလတ်စားနဲ့ အသေး စားစက်မှုလုပ်ငန်းများ ဖော်ဆောင်မှာဖြစ်ပါတယ်။

မြို့နေအခြေခံလူတန်းစားများ ၀င်ငွေတိုး စေရေးအတွက် ခရီးသွားလုပ်ငန်း ဃဏြ လုပ်ငန်းများ စတဲ့ လုပ်အားအခြေခံလုပ်ငန်းများတိုးတက်အောင် ဆောင်ရွက်ပါမယ်။
သဘာဝသယံဇာတကို အခြေခံတဲ့ စီးပွား ရေးမှ နည်းပညာကိုအခြေခံသော လူ့အရင်းအမြစ်ကို အခြေခံသော စီးပွားရေးကို တစ်ဆင့်ပြီးတစ်ဆင့် တက်လှမ်းနိုင်အောင် ဆောင်ရွက်ပါမယ်။

ပုဂ္ဂလိက စီးပွားရေးအသိုင်းအ၀ိုင်းကို ကျွန် တော်တို့နိုင်ငံရဲ့ အဓိက စီးပွားရေးကဏ္ဍမှာသာမက ဆင်းရဲမှုလျှော့ချရေးကဏ္ဍ၊ သဘာဝပတ်ဝန်းကျင် ထိန်းသိမ်းရေးကဏ္ဍ၊ လူမှုရေးတည်ငြိမ်မှုကဏ္ဍ၊ ပညာ ရေး၊ ကျန်းမာရေးကဏ္ဍများမှာ ပါဝင်ဆောင်ရွက်လာ အောင် လမ်းဖွင့်ဆောင်ရွက်သွားမှာဖြစ်ပါတယ်။

ဒါ့အပြင် တရုတ်နိုင်ငံ၊ အိန္ဒိယနိုင်ငံ၊ ဂျပန် နိုင်ငံ၊ အာဆီယံနိုင်ငံနဲ့ အမေရိကန်နိုင်ငံအပါအ၀င်နဲ့ စီးပွားရေး၊ ရင်းနှီးမြှုပ်နှံမှု၊ ကုန်သွယ်မှုတို့ကို တိုးမြှင့် ဆောင်ရွက်သွားမှာဖြစ်ပါတယ်။

ထိုသို့ဆောင်ရွက်ရန် စီမံချက်ရေးဆွဲဆောင် ရွက်နေသော်လည်း မိမိတို့တွင် နည်းပညာလူ့စွမ်းအား အရင်းအမြစ်၊ ငွေကြေးအရင်းအနှီး ပြည့်စုံလုံလောက် မှုမရှိပါ။ ဒါအပြင် တစ်ဖက်သတ်ချမှတ်ထားတဲ့ စီးပွား ရေးပိတ်ဆို့မှုကိုလဲ ခံနေရပါတယ်။ ဒါကြောင့်ျွှသမိူ ညြေုယ ဗီယြှုငြ်္ စတဲ့ နိုင်ငံတကာငွေကြေးအဖွဲ့အ စည်းများထံမှ အကူအညီများ လိုအပ်ပါတယ်။

မေး- မြစ်ဆုံဆည်စီမံကိန်းဖျက်သိမ်းရန်အတွက် ဆုံး ဖြတ်ရခြင်း၏နောက်ခံအကြောင်းရင်းက ဘာတွေလဲ။

ဖြေ- မိမိတို့အစိုးရသက်တမ်းကာလအတွင်း မြစ်ဆုံစီမံ ကိန်းကို ရပ်ဆိုင်းထားရခြင်းရဲ့အကြောင်းရင်းကတော့ မိမိတို့ဟာ ပြည်သူက ရွေးချယ်တင်မြှောက်ထားတဲ့ အစိုးရ ဖြစ်တာနဲ့အညီ ကချင်တိုင်းရင်းသားများ အပါအ၀င် ပြည်သူများရဲ့ စိုးရိမ်ပူပန်မှုတွေကို အလေးထားဖြေ ရှင်းဆောင်ရွက်ပေးဖို့ တာဝန်ရှိတဲ့အတွက် ဆောင် ရွက်ပေးခဲ့ခြင်းဖြစ်ပါတယ်။

ဒီကိစ္စဟာ အပြည်ပြည်ဆိုင်ရာ စီးပွားရေး ကိစ္စရပ်များ ပါဝင်နေတဲ့အတွက် သမ္မတကြီးအနေနဲ့ အလွယ်တကူ ဆုံးဖြတ်ခဲ့ခြင်းမဟုတ်ပါ။ ပြည်သူ့စိုးရိမ် ပူပန်မှုကို အလေးထားလေးလေးနက်နက်စဉ်းစားဆုံး ဖြတ်ခဲ့ခြင်းဖြစ်ပါတယ်။


မေး- ဒေါ်အောင်ဆန်းစုကြည်နဲ့ တွေ့ဆုံဆွေးနွေးမှုကို မည်သည့်အတွက်ကြောင့် စတင်လုပ်ဆောင်ခဲ့ပါသလဲ၊ ဒေါ်စုကြည်နှင့် သမ္မတကြီးတို့ရဲ့ ဆွေးနွေးမှုများနှင့် စပ်လျဉ်း၍ မည်သို့သဘောထားရှိပါသလဲ။ သူမအနေ ဖြင့် လွှတ်တော်တွင် အရွေးချယ်ခံရမည်ဟု ယူဆပါ သလား။

ဖြေ- သမ္မတကြီးရဲ့ ရာထူးလက်ခံမိန့်ခွန်းမှာ သမ္မတ ကြီးက အခြေခံဥပဒေကို လက်မခံနိုင်သေးသူများ၊ သဘောထားကွဲ ပြားနေသူများနဲ့ မတူညီသောအချက် များကို ဘေးဖယ်ထားပြီး တူညီတဲ့အချက်များအပေါ် မှာ ပူးပေါင်းဆောင်ရွက်ဖို့ ဖိတ်ခေါ်ခဲ့ပါတယ်။ အဲဒီ သဘောထားနဲ့အညီ အမျိုးသားပြန်လည်စည်းလုံးညီ ညွတ်ရေးအတွက် ဆန္ဒမှန်ဖြင့် ဒေါ်အောင်ဆန်းစုကြည် နဲ့ တွေ့ဆုံဆွေးနွေးခဲ့တာဖြစ်ပါတယ်။

တွေ့ဆုံဆွေးနွေးတဲ့အခါမှာ အမြင်ချင်းမတူ တာ တချို့ရှိပေမယ့် တိုင်းပြည်တည်ငြိမ်အေးချမ်းချင် တဲ့ဆန္ဒ၊ တိုင်းပြည်ဖွံ့ဖြိုးတိုးတက်ချင်တဲ့ဆန္ဒနဲ့ ပြည်သူ လူထုစိတ်ချမ်းမြေ့စေချင်တဲ့ဆန္ဒများမှာတော့ နှစ်ဖက် လုံးသဘောတူညီခဲ့ကြပါတယ်။

ဒါကြောင့်လဲ သဘောတူညီတဲ့ အချက် တွေပေါ်မှာ နှစ်ဖက်ပူးပေါင်းဆောင်ရွက်ဖို့ ဆုံးဖြတ် ဆောင်ရွက်ခဲ့ကြတာဖြစ်ပါတယ်။

ဒေါ်အောင်ဆန်းစုကြည် ရွေးချယ်ခံရမလား ဆိုတာကတော့ ပြည်သူများရဲ့ အဆုံးအဖြတ်ပဲဖြစ်ပါ တယ်။ သို့သော် ဒေါ်အောင်ဆန်းစုကြည် လွှတ် တော်အတွင်းရောက်လာမှာကိုတော့ ကျွန်တော်တို့ က ကြိုဆိုပါတယ်။


မေး- အစိုးရအနေဖြင့် တိုင်းရင်းသားလက်နက်ကိုင် အဖွဲ့အစည်းများနဲ့ ကနဦးကမ်းလှမ်းချက်များကို လုပ် ဆောင်ခဲ့ပြီးဖြစ်ပါတယ်။ နှစ်ကာလကြာရှည်စွာ ဖြစ် ပွားနေသောရှုပ်ထွေးလှသည့် အဆိုပါပဋိပက္ခတွေကို ဖြေရှင်းရန် ဘာတွေလိုအပ်ပါသလဲ။ ပြည်ပအဖွဲ့ အစည်းအချို့က စွပ်စွဲထားသကဲ့သို့ လူ့အခွင့်အရေး ချိုးဖောက်မှုများရှိနေပါသလား။

ဖြေ- ယခုအချိန်တွင် တိုင်းရင်းသားလက်နက်ကိုင် အဖွဲ့ ၁၀ဖွဲ့စလုံးနဲ့ ငြိမ်းချမ်းရေးအတွက် ထိတွေ့ဆွေးနွေး နေပြီဖြစ်ပါတယ်။

၎င်းင်းအနက် နှစ်ဖွဲ့ကတော့ ပြည်နယ်အဆင့် ငြိမ်းချမ်းရေးသဘောတူ ညီချက်လက်မှတ်ရေးထိုး နိုင် ခဲ့ပြီး ပြည်ထောင်စုအဆင့်နဲ့ ဆက်လက်ဆွေးနွေးနေ ပါတယ်။

အခြားအဖွဲ့နှစ်ဖွဲ့ကတော့ ပြည်နယ်အဆင့် ငြိမ်းချမ်းရေး သဘောတူညီ ချက်လက်မှတ်ရေးထိုးနိုင် ပြီဖြစ်ပါတယ်။ ပြည်ထောင်စုအဆင့် ဆက်လက်ဆွေး နွေးတော့မှာဖြစ်ပါတယ်။

ကျန်အဖွဲ့ခြောက်ဖွဲ့ကတော့ ပြည်နယ် အဆင့် စတင်ထိတွေ့ ဆွေးနွေးနေကြပြီဖြစ်ပါတယ်။ ထာဝရငြိမ်းချမ်းရေး တည်ဆောက်နိုင်ဖို့အတွက်က တော့ အမှန်တကယ်ငြိမ်းချမ်းရေးရယူလိုစိတ်ရှိဖို့ အပြန် အလှန်နားလည်မှုနဲ့ ယုံကြည်မှုတည်ဆောက်ဖို့ ၎င်းင်းတို့ ရဲ့ ရေရှည်ဘ၀ရပ်တည်ရေးကို ဆောင်ရွက်ပေးနိုင်ဖို့နဲ့ မျှတတဲ့ ၎င်းင်းတို့ရဲ့လိုလားချက်တွေကို ဖြည့်ဆည်းပေး ဖို့ လိုတယ်လို့ ယူဆပါတယ်။

တိုင်းရင်းသားဒေသများမှာ တပ်မတော်က အစီအမံဖြင့် ကျယ်ကျယ်ပြန့်ပြန့် လူ့အခွင့်အရေး ချိုး ဖောက်နေသည့် ကိစ္စမျိုးမရှိပါ။ ဒီကိစ္စများဟာ နိုင်ငံ တော်နဲ့ တပ်မတော်အပေါ် မလိုလားတဲ့ ဆန့်ကျင်တဲ့ အဖွဲ့အစည်းများက မဟုတ်မမှန် လုပ်ကြံဝါဒဖြန့်ပြီး နိုင်ငံရေးတိုက်ကွက် ဖော်နေခြင်းသာဖြစ်ပါတယ်။

တပ်မတော်သားတိုင်းဟာ စစ်သည်တော် ကျင့်ဝတ်နဲ့ စစ်ဘက်ဥပဒေအပြင် အရပ်ဘက်ဥပဒေ ကိုပါ လိုက်နာဖို့ ပြဋ္ဌာန်းထားပါတယ်။ အဲဒီအတိုင်း လိုက်နာအောင်လဲ လေ့ကျင့်သင်ကြားပေးထားပြီး တင်း တင်းကျပ်ကျပ်လဲ ကြပ်မတ်ကွပ်ကဲလျက်ရှိပါတယ်။ ဒါကြောင့် ကျယ်ကျယ်ပြန့်ပြန့် လူ့အခွင့်အရေးချိုးဖောက် မှုမရှိပါ။

သို့သော်လဲ တပ်မတော်ဟာ လူအများစုနဲ့ ဖွဲ့စည်းထားရတာမို့ အဲဒီအများကြီးထဲက တစ်ဦးတ လေ ဥပဒေချိုးဖောက်တာမျိုးတော့ ရှိနိုင်တာပေါ့။

အဲဒီလို ဥပဒေချိုးဖောက်တဲ့ တပ်မတော် သားတွေကိုလည်း ဥပဒေနဲ့အညီ ထိထိရောက်ရောက် အရေးယူတယ်။ အဲဒီမှတ်တမ်းမှတ်ရာတွေ တပ်မ တော်မှာ အပြည့်အစုံရှိပါတယ်။ တိုင်ကြားချက်ရှိရင် ချက်ချင်းစုံစမ်းစစ် ဆေးမှုပြုလုပ်ပြီး မှန်ကန်ပါက ထိထိရောက်ရောက် အရေးယူပါတယ်။

အခုအချိန်မှာ မြန်မာနိုင်ငံအမျိုးသားလူ့ အခွင့်အရေးကော်မရှင်ကို ဖွဲ့စည်းပြီးလူ့အခွင့်အရေး ကော်မရှင်က ဒီလို တိုင်ကြားမှုတွေကိုလည်းကောင်း၊ အခြားသောလူ့အခွင့်အရေးကာကွယ်မှုတွေကို လည်း ကောင်း ကျယ်ကျယ်ပြန့်ပြန့်ဆောင်ရွက်ပေးနေပါတယ်။

http://groups.google.com/group/mayanmardailymail မှ ကူးယူဖော်ပြပါကြောင်း

Myanmar Express

Posted in: ကူးယူဖော်ပြ,သတင်း