ဗဟိုမီးသတ်၏ နေ့စဉ်အစီရင်ခံစာဖော်ပြချက်

(၂၉.၁၂.၂၀၁၁) ရက်နေ့၊ (၀၁း၄၀)နာရီအချိန်ခန့်တွင် မင်္ဂလာတောင်ညွှန့်မြို့နယ်၊ ကူးတို့ဆိပ်ရပ်ကွက်၊ မေတ္တာမွန်ဝင်း၊ မေတ္တာမွန်ဂိုဒေါင်တွင် မီးလောင်မှုဖြစ်ပွားကြောင်း ဖုန်းအမှတ် (၀၉၇၃၀၅၃၇၀၇) သတင်းပေးပို့သဖြင့် (၀၁း၄၅)နာရီအချိန် သတင်းရ၊ (၀၁း၄၆)နာရီ မီးသတ်ယာဉ် ၅၇ စီး၊ အထောက်အကူပြုယာဉ် ၁၃ စီး၊ အုပ်ချုပ်မှုယာဉ် ၁၀ စီးထွက်။ (၀၄း၃၀)နာရီ မီးထိန်း၊ (၀၆း၄၅)နာရီမီးငြိမ်း၊မီးလောင်မှုကြောင့် သေဆုံးသူ မီးသတ်တပ်ဖွဲ့ဝင် ၅ ဦးအပါအ၀င် ကျား(၁၂)ဦး၊ မ(၅)ဦး စုစုပေါင်းသေဆုံးသူ (၁၇)ဦး၊ ထိခိုက်ဒဏ်ရာရသူ မီးသတ်တပ်ဖွဲ့ဝင် (၃၃)ဦးအပါအ၀င် ကျား(၆၅)ဦး၊မ(၁၆)ဦး၊စုစုပေါင်း (၈၁)ဦးအား ရန်ကုန်ပြည်သူ့ဆေးရုံကြီးတွင် တင်ပို့ထားရှိ။ မီးဘေးဒုက္ခသည်အိမ်ထောင်စု(၁၄၈)စုမှ ကျား(၄၇၅)ဦး၊မ(၅၂၁)ဦး၊စုစုပေါင်း(၉၉၆)ဦးအား မဟာဝိဇယဘုန်းကြီးကျောင်း၊ အ.မ.က(၂၀)နှင့် အ.မ.က(၂၄)ကျောင်းများတွင် ကယ်ဆယ်ရေးစခန်းများဖွင့်လှစ်ထားရှိ။ မီးလောင်မှုတွင် သန္စေတပ်ဖွဲ့ဝင်(၅၆၄)ဦး၊ အရန်တပ်ဖွဲ့ဝင်(၁၈၂)ဦး၊ တိုင်းကြက်ခြေနီ(၁၃၀)ဦးတို့ဖြင့် မီးငြိမ်းသတ်ဆောင်ရွက်ခဲ့၊ နောက်ဆက်တွဲသတင်းရရှိပါက ဆက်လက်ပေးပို့သွားမည်။

Posted in: သတင်း