ICBC ကိုယ်စားလှယ်ရုံးခွဲက မြန်မာ့စီးပွားရေး လုပ်ငန်းရှင်များကို ကမ္ဘာ့ဈေးကွက် ဝင်နိုင်ရန် ဝန်ဆောင်မှုပေးမည်

တရုတ်နိုင်ငံ၏ ကမ္ဘာ့အကြီးဆုံး ဘဏ်တစ်ခုဖြစ်သော ICBC (Industrial and Commercial Bank of China) ဘဏ်သည် မြန်မာနိုင်ငံတွင် ဖွင့်လှစ်လိုက်သော ၎င်းတို့၏ တရုတ်နိုင်ငံ ဘဏ်များတွင် ပထမဆုံး ကိုယ်စားလှယ်ရုံးခွဲမှတစ်ဆင့် ကမ္ဘာ့ဘဏ်အသီးသီးနှင့် ငွေကြေးဆိုင်ရာကိစ္စများ ချိတ်ဆက်လုပ်ဆောင်မှုများကို မြန်မာ့စီးပွားရေး လုပ်ငန်းရှင်များအတွက် ကူညီပေးမည်ဖြစ်ကြောင်း ၇-၁၂-၂၀၁၁ ရက်က သိရသည်။ အဆိုပါ ကိုယ်စားလှယ်ရုံးခွဲအနေဖြင့် မြန်မာနိုင်ငံမှ စီးပွားရေးလုပ်ငန်းရှင်များကို စီးပွားရေးဆိုင်ရာ ဝန်ဆောင်မှုနှင့် ကမ္ဘာ့ဈေးကွက်သို့ ထိုးဖောက်လိုမှုတို့အတွက် ဝန်ဆောင်မှုပေးမည်ဖြစ်ပြီး အနာဂတ် အလားအလာများအရ ပြည်တွင်း၌ ဘဏ်ခွဲဖွင့်လှစ်သွားနိုင်ရန်အထိ ရည်ရွယ်ထားကြောင်း သိရသည်။ "လောလောဆယ်မှာ ဘဏ်ရဲ့ လုပ်ငန်းတွေကို မြန်မာနိုင်ငံမှာ မလည်ပတ်နိုင်သေးပေမယ့် ဘဏ်ကတစ်ဆင့် ချိတ်ဆက်ဝန်ဆောင်မှု ပေးသွားပါမယ်၊ တစ်ဆင့်ခံပုံစံမျိုး ဆောင်ရွက်ပေးသွားမှာပါ" ဟု ICBC ၏ ဥက္ကဋ္ဌဖြစ်သူ မစ္စတာ ကျန်းကျင့်ချင်းက ပြောကြားသည်။ "ICBC အနေနဲ့ မြန်မာနိုင်ငံရဲ့ ဘဏ်လုပ်ငန်း အခြေခံအုတ်မြစ်တွေ ဖွံ့ဖြိုးတိုးတက်လာစေဖို့ အများကြီး အထောက်အကူပြုလာနိုင်ပါတယ်။ တရုတ်-မြန်မာ ကုန်သွယ်မှုကိုလည်း ဒီကိုယ်စားလှယ်ရုံးက အထောက်အကူ ပြုလာနိုင်ပါလိမ့်မယ်" ဟု ဘဏ္ဍာရေးနှင့် အခွန်ဝန်ကြီးဌာန ပြည်ထောင်စုဝန်ကြီး ဦးလှထွန်းက ပြောကြားသည်။ လက်ရှိကာလတွင် ICBC အပါအဝင် စင်ကာပူ၊ ဘင်္ဂလားဒေ့ရှ်၊ မလေးရှား၊ ဂျပန်၊ ကမ္ဘောဒီးယား၊ ဗီယက်နမ်၊ ထိုင်း၊ ဘရူနိုင်း အစရှိသော နိုင်ငံများမှ ဘဏ်ကိုယ်စားလှယ် ရုံးခွဲပေါင်း ၁၆ ခုအထိ ဗဟိုဘဏ်က ခွင့်ပြုထားပြီးဖြစ်ကြောင်း သိရသည်။ ICBC မှာ ၎င်း ၁၆ ခုတွင် ကမ္ဘာ့အကြီးဆုံး ဘဏ်ဖြစ်နေပြီး နိုင်ငံနှင့် ဒေသပေါင်း ၃၁ ခုတွင် ဘဏ်ခွဲပေါင်း မြောက်မြားစွာ ရှိနေပြီး အင်အားအတောင့်တင်းဆုံးဖြစ်ကြောင်း ၂၀၁၁ ခုနှစ် ဒီဇင်ဘာ ၁၅ ရက်နေ့ထုတ် ပြည်မြန်မာ ဂျာနယ်တွင် ဖော်ပြထားပါသည်။

http://groups.google.com/group/mayanmardailymail မှ ကူးယူဖော်ပြပါကြောင်း

Posted in: သတင်း