ဖားကန့်ဒေသမှ ကြက်ခြေနီ အရာရှိဦးကြည်ဝင်းအား ကချင်လွတ်မြောက်ရေးတပ်မတော်(KIA) တပ်မဟာ(၂) တပ်ရင်း(၆)မှ အကြောင်းမဲ့ဖမ်းဆီးသတ်ဖြတ်ခဲ့ခြင်းသတင်း

ဒီဇင်ဘာ ၁၅ ရက်နေ့တွင် ဖားကန့်မြို့နယ် ၊ မှော်ဝမ်းကလေးရပ်ကွက်က ကြက်ခြေနီအရာရှိတစ်ဦး ဖြစ်တဲ့ ဦးကြည်ဝင်း နှင့် အဖော် (၃)ဦးတို့သည် ဖားကန့်မှ မြစ်ကြီးနားမြို့သို့ ဆိုင်ကယ်များဖြင့် ထွက်ခွာလာခဲ့ပြီး တံတားညီနောင် အရောက်မှာ KIA တပ်မဟာ(၂)၊ တပ်ရင်း(၆) မှ ဗိုလ်ကြီး တူးမိုင်ဆိုသူက ရပ်တန့်ခိုင်းပြီး ဖမ်းစီး ချုပ်နှောင်ခေါ်ဆောင်သွားကြောင်းသိရှိရပါသည်။ထိုသို့ရပ်တန့် ဖမ်းဆီးရာတွင် အဖွဲ့ဝင် (၂)ဦးမှာ ထွက်ပြေး လွတ်မြောက်သွားခဲ့ပြီး ၊ ဦးကြည်ဝင်း နှင့် (၁)ဦးအား၎င်းတို့စခန်းသို့ခေါ်ဆောင်သွားကြောင်း ပြန်လည် လွတ်မြောက် လာသူတို့၏ပြောဆိုချက်များအရ သိရှိရပါတယ်။
မိသားစုများမှ ဦးကြည်ဝင်း၏ အခြေအနေအား အမျုိးမျိုးစုံစမ်းသော်လည်း သတင်းရရှိခြင်းမရှိဘဲ ဒီဇင်ဘာလ (၂၆)ရက်နေ့တွင် ဦးကြည်ဝင်းအားသတ်ပစ်လိုက်ပြီဖြစ်ကြောင်း ကေအိုင်အေနှင့် နီးစပ်သူအချို့မှ ပြောဆိုလာကြောင်း ဒေသခံများမှ ပြောကြားခဲ့ပါသည်။
“ဦးကြည်ဝင်း ကကြက်ခြေနီတပ်ဖွဲ့က အရာရှိတစ်ယောက်ပါ။ တစ်ခြားသူတွေအပေါ်လည်း စေတနာ ကောင်းပါတယ်။အလုပ်ကိုလဲကျေပွန်စွာလုပ်ဆောင်တဲ့လူတစ်ယောက်ပါ။ကျွန်တော်တို့ဆိုသိသိချင်း တော်တော် စိတ်မကောင်းဖြစ်သွားတယ်။ အိမ်ကိုသွားမေးတော့လည်း အလုပ်ကိစ္စနဲ့မြစ်ကြီးနားသွားမယ်ဆိုပြီး ထွက်သွား တယ်လို့ပြောတယ်။ဒါပေမယ့်ဗျာ ပြည်သူလူထုကို တတ်နိုင်တဲ့ ဘက်ကအကူအညီစောင့်ရှောက်မှုတွေ ပေးနေတဲ့သူကိုတော့ အဲ့လိုမလုပ်သင့်ဘူးပေါ့။သူတို့လိုအပ်တဲ့ ကိစ္စအတွက် ခေါ်သွားတယ်ဆိုရင်လည်း ပြီးသွားရင် ပြန်လွှတ်ပေးရမှာပေါ့”လို့ ပြောခဲ့ပါတယ်။
သူ့မိသားစုနဲ့ပက်သက်တဲ့ မိတ်ဆွေတစ်ယောက်ရဲ့ပြောပြချက်အရကတော့ “အေးဗျာ ကိုကြည်ဝင်းကြီး အသတ် ခံရတယ်ဆိုတာယုံကိုမယုံနိုင်ဘူးဖြစ်နေတယ်။သူ့မိသားစုကလည်း သူ့ကိုပဲအားကိုးနေရတာဗျ။ တော်တော် သဘောကောင်းတဲ့လူကြီးပါဗျာ။ စိတ်ရင်းကောင်းတဲ့သူကိုမှ ဒီလိုမျိုးဖြစ်ရတယ်ဆိုတော့ လုံးဝကို စိတ်မကောင်းဘူး။ ကျွန်တော်တို့တောင်ဒီလောက်ဖြစ်နေရင် သူ့မိသားစုဆိုရင်တော့ ပြောမနေပါနဲ့ တော့ဗျာ။ယူကြုံးမရပါဘဲ။ အခုဘဲသတင်းသွားမေးပြီးပြန်လာတာပါ။ပြည်သူကိုစောင့်ရှောက်မယ့် သားကောင်းတစ်ယောက်ဆုံးရှုံးသွားရသလို ခံစားရတယ်” လို့ပြောပါတယ်။
“လူသားချင်းစာနာမှုမရှိတာပေါ့ဗျာ။ ပြည်သူကိုသတ်လိုက်တယ်ဆိုတာမဖြစ်သင့်တဲ့ကိစ္စပါ။ သူကလက်နက်ကိုင်အဖွဲ့ အစည်းကလည်းမဟုတ်ပါဘူး။ကျန်တဲ့လူတွေအနေနဲ့ကလည်း လက်နက်ကိုင်ပြီး လုပ်ချင်ရာလုပ်နေတဲ့KIAကို ကြောက်ရ တာပေါ့။မထင်ရင်မထင်သလိုလုပ်တာဗျ။ တစ်ချို့ဆိုအကြောင်းပြချက်လဲမရှိဘူး။ ကြောက်လို့သာမပြောရဲတာ ဒီကလူတွေ အားလုံးကတော့ KIA ကိုလုံးဝမကျေနပ်ကြဘူးဗျ ။ ဘယ်အချိန် KIAက လာဖမ်းပြီး ငွေနဲ့ရွေးခိုင်းမလဲ၊ သတ်ပစ်မလဲ ဆိုတာ မသိကြဘူးလေ။ ပြည်သူတွေလဲတော်တော် ဒုက္ခ ရောက်ပါတယ်ဗျာ။ အခုဆို လုပ်ကိုင်စားသောက်ဖို့အရေး အိမ်ကထွက်ဖို့ကိုတော်တော်လေး ၀န်လေးနေကြပြီ။ ဒါပေမယ့်လည်း ၀မ်းရေးကရှိနေတော့ကြောက်လည်း သွားရ အုံးမှာပဲဗျို့။ ကချင်ပြည်နယ်ကြီးအတွက်ပါပြောပြီး ကချင်လူမျိုးတင်မကဘဲ ဒေသခံပြည်သူတွေကိုပါ အနိုင်ကျင့်တာ ကတော့ ရာဇ၀တ်မှုတွေကျူးလွန်နေတာလို့ပဲမြင်တယ်ဗျာ။လုံးဝကိုမဖြစ်သင့်တဲ့ကိစ္စပါ။” လို့ဒေသခံတစ်ဦး ကပြောပါ တယ်။

Myanmar Express

Posted in: တိုက်ပွဲသတင်း