မြန်မာနိုင်ငံ အမျိုးသားလူ့အခွင့်အရေး ကော်မရှင်က သတင်းထုတ်ပြန်

မြန်မာနိုင်ငံ အမျိုးသားလူ့အခွင့်အရေး ကော်မရှင်က ဒီဇင်ဘာလ ၁၀ ရက်နေ့တွင် ကျရောက်သော နိုင်ငံတကာ လူ့အခွင့်အရေးနေ့တွင် သတင်းထုတ်ပြန်ချက်တစ်ရပ်ကို ထုတ်ပြန်လိုက်သည်။ အဆိုပါ သတင်းထုတ်ပြန်ချက်တွင် မြန်မာနိုင်ငံသည် ၁၉၄၈ ခုနှစ်၊ ဧပြီလတွင် ကုလသမဂ္ဂ၏ (၅၈) နိုင်ငံမြောက် အဖွဲ့ဝင် ဖြစ်ခဲ့ပါသည်။ ၁၉၄၈ ခုနှစ်၊ ဒီဇင်ဘာ ၁၀ ရက်နေ့၌ ပါရီမြို့တွင် ကျင်းပသော ကုလသမဂ္ဂ အထွေထွေညီလာခံတွင် ကမ္ဘာ့လူ့အခွင့်အရေး ကြေညာစာတမ်းကို အတည်ပြုချမှတ်သည့်အခါ မြန်မာနိုင်ငံက ထောက်ခံမှု ပြုခဲ့ပါသည်။ ဤကြေညာစာတမ်းသည် လူသားအားလုံး၊ နိုင်ငံအားလုံးက ပြည့်မီအောင်မြင်အောင် ဆောင်ရွက်ရမည့် အားလုံးနှင့် သက်ဆိုင်သော စံတစ်ရပ်ဖြစ်ပါသည်။ တစ်နည်းဆိုရလျှင် ကြေညာစာတမ်းပါ လူ့အခွင့်အရေးများကို နိုင်ငံအားလုံးက ပြည့်မီအောင် ကြိုးပမ်းသွားရန် ဖြစ်ပါသည်။ လူ့အခွင့်အရေး မြှင့်တင်ကာကွယ်ရေးစံများ သတ်မှတ်ရေးအတွက် နိုင်ငံတကာ အသိုက်အဝန်း၏ ကြိုးပမ်းမှုများတွင် လူ့အခွင့်အရေး ကြေညာစာတမ်းအား အတည်ပြုချမှတ်လိုက်ခြင်းသည် ပထမဦးဆုံးသော ခြေလှမ်းဖြစ်ပါသည်။ သို့ဖြစ်၍ အရေးကြီးသည့် လူ့အခွင့်အရေးဆိုင်ရာ စာချုပ်နှစ်ရပ်ဖြစ်သော ပြည်သူ့အခွင့်အရေးများနှင့် နိုင်ငံရေး အခွင့်အရေးများဆိုင်ရာ နိုင်ငံတကာစာချုပ်နှင့် စီးပွားရေး၊ လူမှုရေးနျင့် ယဉ်ကျေးမှု အခွင့်အရေးများဆိုင်ရာ နိုင်ငံတကာစာချုပ်နှင့် အခြားသော တည်ဆဲလူ့အခွင့်အရေးဆိုင်ရာ စာချုပ်များရေးဆွဲရာတွင် လူ့အခွင့်အရေး ကြေညာစာတမ်းသည် လှုံ့ဆော်မှုဖြစ်သော အကြောင်းရင်းနှင့် အခြေခံအဖြစ် အသုံးပြုခဲ့ရသော စာတမ်းဖြစ်လာခဲ့ပါသည်။ ထို့အပြင် ကမ္ဘာ့နိုင်ငံများစွာတို့သည် ၄င်းတို့၏ အသီးသီးသော ဖွဲ့စည်းပုံ အခြေခံများပါ လူ့အခွင့်အရေးဆိုင်ရာ ပြဋ္ဌာန်းချက်များအတွက် လူ့အခွင့်အရေး ကြေညာစာတမ်းကို အခြေခံအဖြစ် အသုံးပြုကြပါသည်။ လူ့အခွင့်အရေးများကို သတ်ဝင်ယုံကြည်သော နိုင်ငံများသည် လူ့အခွင့်အရေး မြှင့်တင်ကာကွယ်ရန် အမျိုးသားအဆင့် လူ့အခွင့်အရေး အခြေခံအဆောက်အအုံကို တည်ဆောက်ကြပါသည်။ ယင်းသို့ တည်ဆောက်ရာတွင် အမျိုးသားလူ့အခွင့်အရေး အဖွဲ့အစည်းများ တည်ထောင်ခြင်းလည်း ပါဝင်ပါသည်။ မြန်မာနိုင်ငံ အမျိုးသားလူ့အခွင့်အရေး ကော်မရှင်သည် ၄င်း၏ အဖွင့်အစည်းအဝေးကို စက်တင်ဘာလ ၁၂ ရက်နေ့တွင် ကျင်းပခဲ့ပြီး ယင်းနေ့မှစ၍ လုပ်ငန်းတာဝန်များကို အပြည့်အဝ ဆောင်ရွက်လျက်ရှိပါသည်။ လူ့အခွင့်အရေး ကာကွယ်ရေးလုပ်ငန်းနှင့် ပတ်သက်၍ လူ့အခွင့်အရေး ဖောက်ဖျက်မှုနှင့် ပတ်သက်သော တိုင်ကြားစာများကို လက်ခံနိုင်ရန် ကြေညာချက်တစ်ရပ်ကို အောက်တိုဘာလ ၄ ရက်တွင် ထုတ်ပြန်ခဲ့ပါသည်။ လက်ခံရရှိသော တိုင်ကြားစာများကို အစွမ်းကုန် စာနာဂရုစိုက်၍ စိစစ်ပေးလျက်ရှိပါသည်။ မြန်မာနိုင်ငံ အမျိုးသားလူ့အခွင့်အရေး ကော်မရှင်သည် ယခုလောလောဆယ်တွင် ကလေးသူငယ်အခွင့်အရေးနှင့် လူ့အခွင့်အရေး ပညာပေးမှုကို ပိုမိုသိရှိလာရေးအတွက် အလုပ်ရုံဆွေးနွေးပွဲတစ်ရပ်ကို ရန်ကုန်မြို့ရှိ ယူနီဆက်(ဖ်)နှင့် ပူးပေါင်းလျက် ၂၀၁၂ ခုနှစ် ဇန်နဝါရီလတွင် ကျင်းပရန် စီစဉ်လျက်ရှိပါသည်။ ၂၀၁၂ ခုနှစ် ဖေဖော်ဝါရီလတွင် အမျိုးသားလူ့အခွင့်အရေး အဖွဲ့အစည်းများကို အထူးပြုဆွေးနွေးမည့် အလားတူ ဆွေးနွေးပွဲတစ်ရပ်ကို ကျင်းပသွားရန်လည်း စီစဉ်လျက်ရှိပါသည်။ နိုဝင်ဘာလကုန်ပိုင်းတွင် ယူနီဆက်(ဖ်)၏ ကမကထပြုမှုဖြင့်ပင် ကော်မရှင်အဖွဲ့ဝင် ငါးဦးတို့သည် ဖိလစ်ပိုင်နိုင်ငံသို့ သွားရောက်ကာ ဖိလစ်ပိုင်နိုင်ငံ၏ လူ့အခွင့်အရေး မြှင့်တင်ကာကွယ်ရေး အမျိုးသားအခြေခံအဆောက်အအုံနှင့် လူ့အခွင့်အရေးကော်မရှင်တို့၏ လုပ်ငန်းဆောင်ရွက်မှုများကို လေ့လာခဲ့ပါသည်။ မြန်မာနိုင်ငံ အမျိုးသားလူ့အခွင့်အရေး ကော်မရှင် တည်ထောင်ပြီး (၃) လအတွင်း ၄င်း၏လုပ်ထုံးလုပ်နည်း မူကြမ်းနှင့် တိုင်ကြားစာနှင့် စုံစမ်းစစ်ဆေးရေး လုပ်ထုံးလုပ်နည်းမူကြမ်းများကို ရေးဆွဲခဲ့ပြီး ဖြစ်ပါသည်။ အမျိုးသားလူ့အခွင့်အရေး အဖွဲ့အစည်းများသည် ဒီမိုကရေစီ လူ့အဖွဲ့အစည်း၏ အစိတ်အပိုင်းတစ်ရပ် ဖြစ်ပါသည်။ အရေးကြီးသည့် ဒီဇင်ဘာလ ၁၀ ရက်နေ့ လူ့အခွင့်အရေးနေ့ အခါသမယတွင် ကော်မရှင်အနေဖြင့် ၄င်း၏ လူ့အခွင့်အရေးမြှင့်တင်ရေးနှင့် ကာကွယ်ရေးတာဝန်ကို ထိရောက်အောင်မြင်အောင် ဆောင်ရွက်ရန်နှင့် မြန်မာနိုင်ငံ၏ ဒီမိုကရေစီနိုင်ငံတော် ဖော်ဆောင်ရေးလုပ်ငန်းစဉ်ကို အစွမ်းကုန်ကူညီပံ့ပိုးသွားရန် ပိုင်းဖြတ်ထားကြောင်း အလေးအနက် ပြောကြားလိုပါသည်ဟု ၂၀၁၁ ခုနှစ် ဒီဇင်ဘာလ ၁၀ ရက်နေ့ထုတ် မြဝတီ သတင်းစာတွင် ဖော်ပြထားပါသည်။

http://groups.google.com/group/mayanmardailymail မှ ကူးယူဖော်ပြပါကြောင်း

Myanmar Express

Posted in: ကူးယူဖော်ပြ,သတင်း