စီးပွားရေး ပိတ်ဆို့ထားမှုကို စဉ်းစားပေးဖို့ ရှိကြောင်း ဟီလာရီကလင်တန် ပြောကြား

လက်ရှိမြန်မာ့နိုင်ငံရေး ယခုထက်ရှေ့ ဆောင်သွားရန်နှင့် ကျန်ရှိ နေသေးသော အကျဉ်းသားများ အမြန်ဆုံး လွှတ်ပေးရန် မျှော်လင့် ထားကြောင်း ဟီလာရီကလင်တန်က ဒီဇင်ဘာလ ၂ ရက်နေ့ ရန်ကုန်မြို့ အမေရိကန် သံရုံးတွင်ပြုလုပ်ခဲ့သည့် စာနယ်ဇင်း ရှင်းလင်း ပွဲတွင် ပြောကြားသည်။

"မနေ့က နေပြည်တော်မှာ နိုင်ငံတော်သမ္မတ ဦးသိန်းစိန်၊ နိုင်ငံခြားရေး ဝန်ကြီးအပါအ၀င် လွှတ်တော်က ခေါင်းဆောင်တွေနဲ့ တွေ့ဆုံဆွေးနွေး စဉ်တုန်းက လက်ရှိမြန်မာ့နိုင်ငံရေးကို အခုထက် ပိုရှေ့ဆောင်သွားဖို့နဲ့ ကျန်ရှိနေသေးတဲ့ နိုင်ငံရေးအကျဉ်းသားတွေကိုလည်း အမြန်ဆုံးလွှတ် ပေးဖို့အတွက် အကြုံပြု ဆွေးနွေးခဲ့ပါတယ်"ဟု ၎င်းက ပြည်တွင်းပြည်ပ စာနယ်ဇင်းသမားများနှင့် တွေ့ဆုံရာတွင် ပြောသည်။

ထို့ပြင် အဆိုပါနေ့ နံနက်ပိုင်းတွင် ဒေါ်အောင်ဆန်းစုကြည်နှင့် ၎င်း၏ နေအိမ်တွင် တွေ့ဆုံခဲ့သည်။

"ဒီမနက် ဒေါ်အောင်ဆန်းစုကြည်နဲ့ ကျွန်မတို့ နှစ်ဦးနှစ်ဖက် အမြင် တွေကို ဖလှယ်ခဲ့ကြပါတယ်။ ဒေါ်အောင်ဆန်းစုကြည်က လက်ရှိအစိုးရ အနေနဲ့ အမျိုးသားဒီမိုကရေစီအဖွဲ့ချုပ်ကို မှတ်ပုံတင်ခွင့်ပေးခဲ့ကြောင်းနဲ့ သူနိုင်ငံရေးကို တစ်ဖန် ပြန်ဝင်ဖို့ ဆုံးဖြတ်လိုက်ကြောင်း ပြောပါတယ်။ နောက်နိုင်ငံရေးပါတီတွေ အားလုံးကိုလည်း နိုင်ငံအနှံ့ရုံးခန်းတွေ ဖွင့်လှစ်ဖို့၊ နိုင်ငံသားတိုင်း မဲပေးခွင့်နဲ့ နောင်လာမယ့် ရွေးကောက်ပွဲ ကိုလည်း လွတ်လပ်ပြီး တရားမျှတတဲ့ ရွေးကောက် ပွဲဖြစ်ဖို့ ရှိဖို့ စတဲ့ အတွက်တွေအပေါ် ဒေါ်အောင်ဆန်းစုကြည်ရဲ့ စိတ်အား ထက်သန်မှုတွေကို သိရှိခဲ့ပါတယ်"ဟု ၎င်းက ဆက်လက်ပြောဆိုသည်။

"စီးပွားရေး ပိတ်ဆို့ထားမှုကိုတော့ စဉ်းစားပေးဖို့ ရှိပါတယ်။ ဒါပေမယ့် လက်ရှိအခြေအနေမှာ ဒီကိစ္စဆွေးနွေးဖို့ အဆင်သင့် မဖြစ် သေးပါဘူး။ အခုမှပဲ နှစ်နိုင်ငံအကြား တွေ့ဆုံ ဆွေးနွေးခါစ ဖြစ်တဲ့အတွက် လတ်တလော ဒီကိစ္စကိုတော့ မြန်မာအစိုးရနဲ့ ဆွေးနွေးဖို့ မရှိပါဘူး။ ဒါပေမယ့် လက်ရှိအစိုးရကသာ ကျွန်မတို့ မျှော်လင့်တဲ့အတိုင်း ဆောင်ရွက်ပေးမယ်ဆိုရင် ဒီစီးပွားရေးပိတ်ဆို့မှု ရပ်ဆိုင်း ရေးကို အမေရိကန်အစိုးရလည်း ပြန်လည်သုံးသပ်ပေးမှာဖြစ်ပါတယ်"ဟု ၎င်းကဆက်ပြောသည်။

ထို့ပြင် မြန်မာနိုင်ငံ၏ဘဏ်လုပ်ငန်း စနစ်ကူညီရန် ကမ္ဘာ့ဘဏ်အဖွဲ့ စေလွှတ်ခြင်း၊ ကျေးလက်ဒေသ ဖွံ့ဖြိုးရေးနှင့် တိုင်းရင်းသား မျိုးနွယ်စုများ နေထိုင်ရာတို့တွင် ကျန်းမာရေး၊ အသေးစားချေးငွေ လုပ်ငန်းများ ဖွံ့ဖြိုးတိုးတက်ရေး၊ မြေမြှုပ်မိုင်းများ ဖော်ထုတ်ရေး၊ အမေရိကန် တက္ကသိုလ်ပညာသင်ဆု အစီအစဉ်၊ အင်္ဂလိပ်စာသင်ကြားရေး အစီအစဉ်တို့အတွက် မြန်မာနိုင်ငံအား ကူညီဆောင်ရွက် သွားမည်ဖြစ်ကြောင်း ၎င်းက ပြောသည်။

http://groups.google.com/group/mayanmardailymail မှ ကူးယူဖော်ပြပါကြောင်း

Myanmar Express

Posted in: ကူးယူဖော်ပြ,စီးပွားပိတ်ဆို့မှုနှင့် ပတ်သက်၍,သတင်း